" حزة عصير "
يافوح قلبي فوح الدلال المباهير
في حزة عصير والا في عقبها
ع الحبيب اللي شوفته عندي غير
لي حول العامين وجيته أرتقبهـا
أسلي خاطري بالصوت حزة عصير
وفي تالي الليل صورته أقلبها
أرسلها لي مبطي من قبل لايصير
في حالتي حاجة ويطلع سببها
وأستقبلها قلبي بكل حفاوة وتقدير
وحفظها في بريد الأضلاع وحجبها
أمس وعدني بشوفه لكن خبر خير
أخلف بموعده وأشقى نفسي وعذبها
يشوقني له شوقي لهدة الطير
على الحبارى لاصادها ثم ضربها
ياجعل من يجمعنا له بالجنة بير
يسقي منه روض جنته وعشبها
